Kitab Suci I Aka?

KITAB SUCI NAR AKA

”Afa be fo tulis naa Kitab Suci raan i besa Duad ni ngarihi.”​—2 Timotius 3:16, Bahasa Indonesia Masa Kini.

NI RAAN VER IT BESA

It yoat ngarihi fangnanan tal pertanyaan bok-bok naa did hidup raan.—Amsal 2:1-5.

It yoat bimbingan bok-bok naa wawain nutun leran.—Mazmur 119:105.

Wait bok-bok bail na.—Roma 15:4.

IT WAAD TE ED AFA KITAB SUCI NAR I?

Oho. Afa en i ni alasan entel:

• Ni raan mut besa mendukung. Kitab Suci i tulis kira-kira 1.600 tahun, ta 40 baran-ran. Hir ia ain kai ain ed. Nerak ia, besa harmes et kbo hir pak tema ain mehe!

• Hir wain ra tulis Kitab Suci i raar nablo. Hir wain radir u hang-wang iakawunin rir afa sasa. Ne hir wain penulis Kitab Suci. Hir tulis rir ken-ken hov sasa besa.—2 Tawarikh 36:15, 16; Mazmur 51:1-4.

• Sarit terbukti ken laai. 700 tahun lalain Yesus lahir hob, ia Kitab Suci nartul ne tek i lahir naa kota kot naa Yehuda. (Mikha 5:2) Yesus lahir naa dan be? I lahir naa Betlehem, ken hov nubuat i!—Matius 2:1-6.

  Kitab Suci ramalkan peristiwa tal ain laai fe mehe ain kot Ii besa bail jad. I bukti ne Kitab Suci Ngarihi tal Duad.—2 Petrus 1:21.