Jad Tewaid Umat Rmat Wait il?

KITAB SUCI NAR AKA

”Umat ra mat-mat besa tek hir wait il.”—Kisah 24:15, Terjemahan Baru.

NI RAAN VER IT BESA

Batang raam sus ed, vel umat it fangnan rmat.—2 Korintus 1:3, 4.

It batang bobar li afa mat-matan waid.—Ibrani 2:15.

Tek faa, it yoat il hir wain mat-mat.—Yohanes 5:28, 29.

IT WAAD TE ED AFA KITAB SUCI NAR I?

Oho. Afa en i ni alasan entel:

• Duad i en Ot kbo it wait. Kitab Suci rnar ne Duad Yahwe i in ot, ”afa bok-bok” ver umat besa. (Mazmur 36:9; Kisah 17:24, 25, Terjemahan Dunia Baru) Duad fiang did wawain bail fangwail il umat rmat-mat.

• Lalain ia Duad fangwait umat rmat-mat. Kitab Suci nar tul peristiwa en wau tentang umat teten, koko fo mur-mur, wat, baran, fang wait hir fo dok dunyai. In how umat wekat ramat leran faak wait il!—Yohanes 11:39-44.

• Leran faa Duad in suk li na ot umat rmat wait il. Duad Yahwe ensitan li afa mat-matan in ot fo musu laai. (1 Korintus 15:26) Duad intek na waidok, I hauk fo ot lauk mat-matan kbo I fang wait il, hi wain mat-mat. I hauk li fo fangwait hir wain naa, I raan fo hir wait il naa dunyai.—Ayub 14:14, 15.