Ebʼ li naʼlebʼ re tzolok saʼ junesal ut li loqʼonink joʼ junkabʼal

Naqaloqʼoni ru li Jehobʼa rochbʼeenebʼ li qahermaan saʼebʼ li chʼutam ut saʼebʼ li nimla chʼutam. Abʼan naqabʼaanu ajwiʼ saʼ junesal ut joʼ junkabʼal. Arin wank wiibʼ oxibʼ li naʼlebʼ re tzolok saʼ junesal ut re li loqʼonink joʼ junkabʼal:

• Qatzolaq li ttzʼilmanq rix saʼ li chʼutam. Naru ajwiʼ tqakawresi ebʼ li bʼich ut li sumenk li naqaj xkʼebʼal saʼ li chʼutam.

• Qayaabʼasihaq jun li naʼlebʼ li wank saʼ li Santil Hu. Moqon naru tqabʼon malaj tqatzʼiibʼa jun li naʼlebʼ li xqatzol.

• Qatzolaq jun rehebʼ li tij li xeʼxbʼaanu ebʼ laj kʼanjel chiru li Yos li wank saʼ li Santil Hu. Qakʼoxlaq chanru tooxtenqʼa re xchaabʼilobʼresinkil li qatij.

• Qilaq jun li bʼideo li wank saʼ jw.org. Moqon tqatzʼil rix joʼ junkabʼal malaj tqatzʼiibʼa li xwulak chiqu.

• Qakawresihaq qibʼ choʼq re li puktesink. Naru tqakawresi li tqaye.

• Qilaq li yobʼtesihom ut qanaʼlebʼaq rix li naqatzol chirix li Jehobʼa. Wi wanko joʼ junkabʼal, aatinaqo chirix li chaabʼil naʼlebʼ li xqatzol.a