Kʼaru chik tatruuq xbʼaanunkil saʼ li xkʼanjel li Yos?

Xkʼebʼal xtzʼaqobʼ li qakʼanjel chiru li Jehobʼa aʼan naxbʼaanu naq tqayal qaqʼe re naq tooruuq chi kʼanjelak chiru li Jehobʼa ut xsahobʼresinkil xchʼool. Us xyalbʼal qaqʼe chi xbʼaanunkil ebʼ li naʼlebʼ aʼin xbʼaan naq nokooxtenqʼa chi kʼiik saʼ li qapaabʼal (1Ti 4:15). Kʼaʼut naq aajel ru xtzʼilbʼal rix li naqaj xsikʼbʼal saʼ li qayuʼam? Xbʼaan naq najalaak li qawanjik. Maare inkʼaʼ chik nokooruuk xtawbʼal li naqaj saʼ li qayuʼam. Malaj maare ak wank li kʼaru xqataw xbʼaanunkil saʼ li qayuʼam abʼan naru chik tqasikʼ xkomon.

Jun chik li naʼlebʼ li naru nokooxtenqʼa re xtzʼilbʼal rix li tqaj saʼ li qayuʼam aʼan naq toj maajiʼ natiklaak li qakʼanjel re li chihabʼ. Ma ak xeekʼoxla rix li naʼlebʼ aʼin saʼ li loqʼonink joʼ junkabʼal? Maare us naq teekʼubʼ joʼ junkabʼal li kʼaru teeraj xbʼaanunkil saʼ leeyuʼam malaj naru nekeebʼaanu chi junjunqal.

Kʼaru kʼanjel li nakaawaj xbʼaanunkil saʼebʼ li naʼlebʼ aʼin ut chanru tatruuq xbʼaanunkil?