BʼICH 95
Nalemtzʼunk li saqenk
(Proverbios 4:18)
1. Najter qʼe kutan li xpropeet li Jehobʼa
xeʼxnaw naq tchalq li Yulbʼil ru.
Li Yos kiroksi li santil musiqʼej
re xtenqʼankilebʼ chi xtawbʼal ru.
Chʼolchʼo chik chiqu naq xkʼulunk xhoonalil,
li Kriist yook chi Awabʼejink!
Bʼanyox re li Yos naqataw ru aʼin
ut inkʼaʼ chik wanko saʼ qʼoqyink!
(XYEEBʼAL WIʼ CHIK)
Kutan ru li bʼe nokoobʼeek wiʼ,
li Yos naxkutanobʼresi.
Chanchan xsaqenkil li hikʼeʼk naq
li yaal nalemtzʼunk chi timil.
2. Saʼebʼ qakutan li Jesús kixxaqabʼ
li xmoos wank xnaʼlebʼ, paabʼajel ru.
Nokooxchʼolani ut naxkʼe qatzekemq
re naq junelik ajʼajaq qu.
Ak yook chi lemtzʼunk chi tzʼaqal li saqenk.
Li bʼe nakʼutunk chi chaabʼil.
Bʼanyox re li Yos naq xqataw chaq li yaal
ut wanko anaqwan saʼ xbʼehil!
(XYEEBʼAL WIʼ CHIK)
Kutan ru li bʼe nokoobʼeek wiʼ,
li Yos naxkutanobʼresi.
Chanchan xsaqenkil li hikʼeʼk naq
li yaal nalemtzʼunk chi timil.
(Chaawil ajwiʽ Rom. 8:22; 1 Cor. 2:10; 1 Ped. 1:12).