ŨTHUTHURIA INTANETI-INĨ

ŨTHUTHURIA INTANETI-INĨ

Thaburi 102:25

New World Translation in Kikuyu
- 25 Tene mũno nĩ waigire mĩthingi ya thĩ,
  Narĩo igũrũ nĩ wĩra wa moko maku.+

Isaia 42:5

New World Translation in Kikuyu
- 5 Ũũ nĩguo Jehova Ngai ũrĩa wa ma oigĩte,
  Mũũmbi wa igũrũ o we Ũrĩa Mũnene na nowe warĩtambũrũkirie,+
  Ũrĩa watambũrũkirie thĩ o hamwe na maciaro mayo,+
  Ũrĩa ũheaga andũ arĩa marĩ thĩinĩ wayo mĩhũmũ+
  Na akahe arĩa mathiangaga thĩinĩ wayo roho:+

Isaia 45:18

New World Translation in Kikuyu
- 18 Nĩ gũkorũo ũũ nĩguo Jehova oigĩte,
  O we Mũũmbi wa igũrũ,+ Ngai ũrĩa wa ma,
  Ũrĩa wombire thĩ, Mũũmbi wayo ũrĩa wamĩrũmirie wega,+
  Na ndaamĩũmbire hatarĩ gĩtũmi,* ĩndĩ aamĩũmbire nĩguo ĩtũũragwo:+
  
  “Niĩ nĩ niĩ Jehova, na gũtirĩ ũngĩ.

Aroma 1:20

New World Translation in Kikuyu
- 20 Tondũ ngumo ciake iria itonekaga na maitho, nĩcio hinya wake wa tene na tene+ na Ũngai wake,+ nĩ cionekaga wega kuuma o hĩndĩ ĩrĩa thĩ yombirũo, nĩ gũkorũo nĩ cionekaga kũgerera indo iria ciũmbĩtwo,+ ũũ atĩ matingĩkorũo na kĩĩgwatio.

Ahibirania 1:10

New World Translation in Kikuyu
- 10 Ningĩ: “O kĩambĩrĩria, wee Mwathani, nĩ waigire mĩthingi ya thĩ, narĩo igũrũ nĩ wĩra wa moko maku.

Kũguũrĩrio 4:11

New World Translation in Kikuyu
- 11 “Wee Jehova* Ngai witũ, nĩ wagĩrĩire kwamũkĩra riri+ na gĩtĩo+ o na hinya,+ nĩ gũkorũo nĩwe wombire indo ciothe,+ na tondũ wa wendi waku ikĩgĩa kuo na ikĩũmbwo.”

Kũguũrĩrio 10:6

New World Translation in Kikuyu
- 6 na akĩĩhĩta na Ũrĩa ũtũũraga tene na tene,+ o we wombire igũrũ na indo iria irĩ thĩinĩ warĩo na thĩ na indo iria irĩ thĩinĩ wayo na iria na indo iria irĩ thĩinĩ warĩo,+ akiuga: “Gũtirĩ gweterera rĩngĩ.