9 “Cokai o na ihenya kũrĩ baba na mũmwĩre atĩrĩ, ‘Ũũ nĩguo mũrũguo Jusufu oigĩte: “Ngai nĩ anyamũrĩte ngatuĩka mwathi wa bũrũri wothe wa Misiri.+ Ikũrũka ũũke kũrĩ niĩ. Na ndũgaikare.+

11 Nĩ ndĩrĩkũheaga irio ũrĩ kũu, tondũ harĩ na mĩaka ĩngĩ ĩtano ĩtigarĩte ya ngʼaragu.+ Kwaga ũguo, wee na nyũmba yaku na kĩrĩa gĩothe ũrĩ nakĩo nĩ mũgũthĩnĩka.”’

13 Na rĩrĩ, gũtiarĩ na irio* kũndũ guothe, tondũ ngʼaragu yarĩ nene mũno, na bũrũri wa Misiri hamwe na bũrũri wa Kanaani gũkĩanangwo nĩ ngʼaragu ĩyo.+

19 Tũngĩgĩkua nĩkĩ mbere ya maitho maku, na mĩgũnda itũ yanangĩke? Tũgũre o hamwe na mĩgũnda itũ nawe ũtũnengere irio, na ithuĩ na mĩgũnda itũ tũgũtuĩka ngombo cia Firauni. Tũhe mbegũ nĩguo tũthiĩ na mbere gũtũũra na tũtigakue na nĩgetha mĩgũnda itũ ndĩgatuĩke kũndũ gũtiganĩrie.”