9 Nao ariũ ake, Isaaka na Ishumaeli makĩmũthika ngurunga-inĩ ya Makipela mũgũnda-inĩ wa Efironi mũrũ wa Zoharu Mũhiti, mũgũnda ũrĩa ũrĩ hakuhĩ na Mamure,+ 10 mũgũnda ũrĩa Iburahimu aagũrĩte kuuma kũrĩ ariũ a Hethi. Kũu nĩkuo Iburahimu aathikirũo, hamwe na Sara mũtumia wake.+

29 Thutha ũcio akĩmahe watho ũyũ: “Ndĩ hakuhĩ gũturanĩrũo hamwe na andũ aitũ.*+ Mwagĩrĩirũo gũgaathika hamwe na maithe maitũ ngurunga-inĩ ĩrĩa ĩrĩ mũgũnda-inĩ wa Efironi Mũhiti,+ 30 ngurunga ĩrĩa ĩrĩ mũgũnda-inĩ wa Makipela ũrĩa ũrĩ mbere ya Mamure bũrũri-inĩ wa Kanaani, mũgũnda ũrĩa Iburahimu aagũrire kuuma kũrĩ Efironi Mũhiti ũtuĩke handũ ha gũthikanaga. 31 Hau nĩho maathikire Iburahimu na Sara mũtumia wake.+ Na nĩho maathikire Isaaka+ na Rebeka mũtumia wake, na noho ndathikire Lea. 32 Mũgũnda ũcio na ngurunga ĩyo ĩrĩ thĩinĩ waguo ciagũrirũo kuuma kũrĩ ariũ a Hethi.”+

33 Nĩ ũndũ ũcio Jakubu akĩrĩkia kũhe ariũ ake ũhoro ũcio. Agĩcoka akĩigĩrĩra magũrũ make ũrĩrĩ-inĩ, akĩhuhia rĩa mũico na agĩturanĩrũo na andũ ao.*+

13 Ariũ ake maamũkuuire nginya bũrũri-inĩ wa Kanaani na makĩmũthika ngurunga-inĩ ya mũgũnda wa Makipela, ũrĩa warĩ mbere ya Mamure ũrĩa Iburahimu aagũrĩte kuuma kũrĩ Efironi Mũhiti ũtuĩke handũ ha gũthikanaga.+ 14 Thutha wa gũthika ithe, Jusufu agĩcoka Misiri marĩ na ariũ a ithe na arĩa othe maathiĩte nake gũthika ithe.