17 “Rĩrĩa hema ya gũtũnganwo ĩrathaamio,+ kambĩ ya Alawii yagĩrĩire gũkorũo gatagatĩ ga kambĩ icio ingĩ.

“Magĩrĩirũo gũthiĩ na mũtaratara o ta ũrĩa makoragwo naguo rĩrĩa mambĩte hema ciao,+ o mũndũ harĩa akoragwo, kũringana na ikundi ciao cia mĩhĩrĩga ĩtatũ.

23 Famĩlĩ cia Agerishoni ciaambaga hema ciao thutha wa gĩikaro kĩrĩa kĩamũre+ mwena wa ithũĩro.

29 Famĩlĩ cia ariũ a Kohathu ciaambaga hema ciao mwena wa mũhuro wa gĩikaro kĩu kĩamũre.+

35 Mũtongoria wa nyũmba ya maithe ma famĩlĩ cia Merari aarĩ Zurieli mũrũ wa Abihaili. Nao maambaga hema ciao mwena wa rũgongo wa gĩikaro kĩu kĩamũre.+

38 Arĩa maambaga hema ciao mbere ya gĩikaro kĩu kĩamũre mwena wa irathĩro, mbere ya hema ya gũtũnganwo mwena ũrĩa riũa rĩrathagĩra, maarĩ Musa na Haruni na ariũ ake. Nĩo meehokeirũo kũrũmbũiya handũ harĩa hatheru, marutage wĩra ũcio handũ-inĩ ha Aisiraeli. Mũndũ o wothe ũteetĩkĩrĩtio* angĩakuhĩrĩirie no kũũragwo ooragagwo.+