39 Na rĩrĩ, Zadoku mũthĩnjĩri-Ngai akĩoya rũhĩa rwa maguta+ kuuma hema-inĩ+ na agĩitĩrĩria Suleimani maguta,+ na makĩambĩrĩria kũhuuha coro, nao andũ othe makĩambĩrĩria kuuga ũũ manĩrĩire: “Mũthamaki Suleimani arotũũra ihinda iraya!” 40 Thutha ũcio andũ othe makĩmũrũmĩrĩra na makĩambata, makĩhuuhaga mĩtũrirũ makenete mũno nginya thĩ ĩgĩatũka nĩ ũndũ wa inegene rĩao.+

12 Jehoiada agĩcoka akĩruta mũrũ wa mũthamaki+ nja na akĩmũigĩrĩra thũmbĩ* na Ũira,*+ na makĩmũtua mũthamaki na makĩmũitĩrĩria maguta. Makĩambĩrĩria kũhũũra hĩ makiugaga atĩrĩ: “Mũthamaki arotũũra ihinda iraya!”+

14 Agĩcoka akĩona mũthamaki arũgamĩte hau hakuhĩ na gĩtugĩ kũringana na mũtugo.+ Anene na ahuuhi tũrumbeta+ maarĩ hamwe na mũthamaki, na andũ othe a bũrũri nĩ gũkena maakenaga makĩhuuhaga tũrumbeta. Athalia ona ũguo agĩtembũra nguo ciake na akĩanĩrĩra akiuga: “Ĩno nĩ njama! Ĩno nĩ njama!”

39 Na magĩikara kũu hamwe na Daudi thikũ ithatũ, makĩrĩaga na makĩnyuaga, nĩ gũkorũo ariũ a ithe wao nĩ maahaarĩrĩirie maũndũ nĩ ũndũ wao. 40 O na arĩa othe maarĩ gũkuhĩ nao, na arĩa maarĩ kũraihu nginya Isakaru, Zebuluni, na Nafitali, nĩ maarehaga irio makuuĩte na ndigiri, ngamĩra, nyũmbũ, na ngʼombe—maarehaga mũtu, keki cia ngũyũ hihe na cia thabibũ nyũmithie, ndibei, maguta, na ngʼombe na ngʼondu mũigana mũnene mũno, nĩ gũkorũo thĩinĩ wa Isiraeli nĩ kwarĩ na gĩkeno kĩnene.