• 1 Athamaki 5:5
    New World Translation in Kikuyu

    • 5 Nĩ ũndũ ũcio, ndĩrenda gwaka nyũmba nĩ ũndũ wa rĩĩtwa rĩa Jehova Ngai wakwa, o ta ũrĩa Jehova eerĩire baba Daudi akĩmwĩra ũũ: ‘Mũrũguo ũrĩa ngaaiga gĩtĩ-inĩ kĩa ũnene ithenya rĩaku, nĩwe ũgaaka nyũmba ĩyo nĩ ũndũ wa rĩĩtwa rĩakwa.’+

  • 1 Athamaki 6:12
    New World Translation in Kikuyu

    • 12 “Ũhoro-inĩ wĩgiĩ nyũmba ĩno ũraka-rĩ, angĩkorũo nĩ ũrĩrũmagĩrĩra mawatho makwa na ũhingagie matuĩro makwa na ũrũmagie maathani makwa mothe na njĩra ya kũmarũmagĩrĩra,+ o na niĩ nĩ ngũkũhingĩria kĩrĩkanĩro gĩakwa kĩrĩa ndarĩkanĩire na thoguo Daudi,+

  • Zekaria 6:12, 13
    New World Translation in Kikuyu

    • 12 Na ũmwĩre atĩrĩ,

      “‘Jehova mũnene wa ita ekuuga ũũ: “Ũyũ nĩwe mũndũ ũrĩa wĩtagwo Thuuna.+ Nĩ akaaruta thuuna arĩ handũ hake, na nĩ agaaka hekarũ ya Jehova.+ 13 Nĩwe ũgaaka hekarũ ya Jehova, na nĩwe ũkaagĩa na riri. Nĩ agaaikarĩra gĩtĩ gĩake kĩa ũnene na aathanage, na ningĩ agaakorũo arĩ mũthĩnjĩri-Ngai gĩtĩ-inĩ gĩake kĩa ũnene,+ na nĩ gũgaakorũo na ũiguano wa thayũ gatagatĩ ka mawĩra macio merĩ.*