10 Mũthĩgi ndũkehera harĩ Juda,+ o na kana rũthanju rwa wathani rwehere gatagatĩ ka magũrũ make, o nginya rĩrĩa Shilo* agooka,+ na nĩwe ũgaathĩkagĩrũo nĩ ikundi cia andũ.+

24 Saulu agĩcoka akĩra Samueli atĩrĩ: “Nĩ njĩhĩtie, nĩ gũkorũo nĩ njagararĩte watho wa Jehova na ngaagarara ciugo ciaku, tondũ ndĩretigĩrire andũ ndĩrathikĩrĩria ũrĩa maroigaga.

28 Nĩ ũndũ ũcio Samueli akĩmwĩra atĩrĩ: “Ũmũthĩ Jehova nĩ atarũra ũthamaki wa Isiraeli kuuma harĩ wee, na nĩ ekũũneana kũrĩ mũndũ ũngĩ mwega gũgũkĩra.+

13 Nĩ ũndũ ũcio Samueli akĩoya rũhĩa rwa maguta+ na akĩmũitĩrĩria maguta ariũ a nyina meroreire. Naguo roho wa Jehova ũkĩambĩrĩria gũtũma Daudi agĩe na hinya kuuma mũthenya ũcio gũthiĩ na mbere.+ Thutha-inĩ Samueli agĩũkĩra agĩthiĩ Rama.+

4 Daudi aarĩ na mĩaka 30 rĩrĩa aatuĩkire mũthamaki, na aathamakire mĩaka 40.+ 5 Arĩ Hebironi agĩthamakĩra Juda mĩaka 7 na mĩeri 6, na arĩ Jerusalemu+ agĩthamakĩra Isiraeli yothe na Juda mĩaka 33.

3 Athuri* othe a Isiraeli magĩgĩthiĩ harĩ mũthamaki kũu Hebironi, na Daudi agĩthondeka kĩrĩkanĩro hamwe nao kũu Hebironi mbere ya Jehova. Magĩcoka magĩitĩrĩria Daudi maguta atuĩke mũthamaki wa Isiraeli,+ kũringana na kiugo kĩa Jehova kũgerera Samueli.+