21 Nake Shaitani* akĩĩhanda kwerekera andũ a Isiraeli, agĩcogera Daudi atare andũ a Isiraeli.+ 2 Kwoguo Daudi akĩra Joabu+ na anene a andũ atĩrĩ: “Thiĩi mũtare andũ a Isiraeli kuuma Biri-shiba nginya Dani;+ mũcoke mũndehere riboti nĩgetha menye mũigana wao.” 3 No Joabu akiuga ũũ: “Jehova arotũma andũ ake mongerereke maita 100! Mwathi wakwa mũthamaki, na githĩ othe ti ndungata cia mwathi wakwa? Nĩ kĩĩ kĩratũma mwathi wakwa ende gwĩka ũguo? Nĩ kĩĩ gĩgũtũma atuĩke wa kũrehera Isiraeli mahĩtia?”