10 Jehova agĩgĩkena nĩ ũndũ wa Suleimani kũhoya ũndũ ũcio.+ 11 Ngai akĩmwĩra atĩrĩ: “Tondũ nĩ wahoya ũndũ ũyũ na ndũnahoya ũheo ũtũũro mũraihu* kana ũtonga kana gĩkuũ gĩa* thũ ciaku, ĩndĩ wahoya ũtaũku wa gũthikĩrĩria maciira,+ 12 nĩ ngwĩka ũrĩa wahoya.+ Nĩ ngũkũhe ngoro ĩrĩ na ũũgĩ na ũtaũku,+ nĩgetha o ta ũrĩa gũtarĩ gwakorũo mũndũ ũngĩ tawe mbere ĩyo, gũtirĩ hĩndĩ gũgaakorũo mũndũ ũngĩ tawe rĩngĩ.+ 13 Makĩria ma ũguo, o na kĩrĩa ũtanahoya nĩ ngũkũhe,+ ũtonga o hamwe na riri,+ ũũ atĩ gũtigaakorũo na mũthamaki tawe ihinda rĩrĩa rĩothe ũgũtũũra muoyo.*+

28 Nĩ ũndũ ũcio andũ othe a Isiraeli makĩigua ũhoro wĩgiĩ itua rĩu mũthamaki aatuĩte, na makĩgegio nĩ* mũthamaki,+ nĩ gũkorũo nĩ moonire atĩ nĩ aarĩ na ũũgĩ wa Ngai wa gũtua ciira na kĩhooto.+