10 Kĩmenyei atĩ gũtirĩ kiugo o na kĩmwe kĩa Jehova kĩrĩa Jehova oigĩte kwerekera nyũmba ya Ahabu gĩtekũhinga,*+ na Jehova nĩ ekĩte ũrĩa ooigire kũgerera harĩ Elija ndungata yake.”+ 11 Ningĩ Jehu akĩũraga arĩa othe maatigarĩte a nyũmba ya Ahabu kũu Jezireeli, o hamwe na andũ ake othe arĩa atĩĩku, arata ake, na athĩnjĩri-ngai ake,+ agĩtigĩrĩra atĩ gũtirĩ mũndũ o na ũmwe wake watigara.+

12 Agĩcoka agĩũkĩra na akiumagara erekeire Samaria. Nyũmba ya kũhingĩra ngʼondu* ya arĩithi yarĩ njĩra-inĩ. 13 Jehu agĩcemania na ariũ a ithe na Mũthamaki Ahazia+ wa Juda hau, akĩmoria atĩrĩ, “Inyuĩ nĩ inyuĩ a?” Nao makĩmwĩra: “Ithuĩ tũrĩ ariũ a ithe na Ahazia, na tũikũrũkĩte nĩguo tũkorie kana maũndũ mothe nĩ mega harĩ ariũ a mũthamaki na ariũ a nyina wa mũthamaki.” 14 O hĩndĩ ĩyo akiuga: “Manyitei marĩ muoyo!” Magĩkĩmanyita marĩ muoyo na makĩmoragĩra irima-inĩ rĩa maĩ rĩa nyũmba ĩyo ya kũhingĩra ngʼondu, arũme 42. Ndaarekire o na ũmwe wao ahonoke.+