3 “‘Mũthĩnjĩri-Ngai ũrĩa mũitĩrĩrie maguta+ angĩhia+ na areherere andũ mahĩtia, no mũhaka arehe gategwa gatarĩ na kaũgũ mbere ya Jehova karĩ igongona rĩa mehia macio ekĩte.+

13 “‘Na rĩrĩ, kĩrĩndĩ gĩothe kĩa Isiraeli kĩngĩkorũo nĩ kĩgĩte na mahĩtia na njĩra ya kwĩhia gĩtekwenda,+ no kĩũngano kĩu gĩkorũo atĩ gĩtiramenyaga atĩ nĩ gĩkĩte ũndũ ũrĩa Jehova agĩathĩte gĩtigeke,+ 14 namo mehia macio mamenyeke-rĩ, no mũhaka kĩũngano kĩu kĩrute gategwa ka igongona rĩa mehia na gĩkarehe mbere ya hema ya gũtũnganwo.

22 “‘Na rĩrĩ, mũngĩka ihĩtia rĩa kwaga kũrũmĩrĩra maathani macio mothe Jehova erĩte Musa, 23 marĩa mothe Jehova amwathĩte kũgerera Musa kuuma mũthenya ũrĩa Jehova aathanire na gũthiĩ na mbere njiarũa-inĩ cianyu, 24 na angĩkorũo ũndũ ũcio wĩkĩtwo na mahĩtia kĩrĩndĩ gĩtekũmenya, kĩrĩndĩ kĩu gĩothe no mũhaka kĩrehe gategwa karĩ igongona rĩa njino rĩa mũtararĩko mwega harĩ* Jehova, hamwe na igongona rĩako rĩa mũtu na igongona rĩako rĩa ndibei kũringana na mũtaratara ũrĩa ũrũmagĩrĩrũo,+ o hamwe na kabũri ka igongona rĩa mehia.+