51 Rĩrĩa rĩothe gĩikaro kĩu kĩamũre kĩrĩthaamagio, Alawii nĩo marĩkĩambũraga;+ na rĩrĩa gĩikaro kĩu kĩamũre gĩkwambwo, Alawii nĩo marĩkĩambaga; mũndũ o na ũmwe ũtetĩkĩrĩtio* angĩgĩkuhĩrĩria agĩrĩire kũũragwo.+

7 Wee o hamwe na ariũ aku nĩ inyuĩ mwĩhokeirũo mawĩra manyu ma ũthĩnjĩri-Ngai marĩa makonainie na kĩgongona na kĩrĩa gĩothe kĩrĩ thĩinĩ wa gĩtaama,+ na nĩ inyuĩ mwagĩrĩirũo kũrutaga wĩra ũcio.+ Nĩ heanĩte ũtungata wa ũthĩnjĩri-Ngai ũrĩ kĩheo kũrĩ inyuĩ, na mũndũ o wothe ũtetĩkĩrĩtio* angĩkuhĩrĩria agĩrĩire kũũragwo.”+

18 Makĩngʼethera Mũthamaki Uzia makĩmwĩra atĩrĩ: “Ti ũndũ mwagĩrĩru harĩ wee Uzia, gũcinĩra Jehova ũbumba!+ Athĩnjĩri-Ngai no o magĩrĩirũo gũcina ũbumba tondũ o nĩ njiarũa cia Haruni,+ iria ciamũrĩtwo. Ehera handũ harĩa hatheru, tondũ nĩ wagĩte kwĩhokeka na gũtirĩ riri ũkwamũkĩra kuuma kũrĩ Jehova Ngai tondũ wa ũndũ ũcio.”

19 No Uzia, ũrĩa wanyitĩte rũgĩo rwa gũcinĩra ũbumba guoko-inĩ gwake, akĩrakara mũno;+ na hĩndĩ ĩyo aarakarĩire athĩnjĩri-Ngai, mangũ+ magĩtuthũka thiithi-inĩ wake arĩ mbere ya athĩnjĩri-Ngai acio thĩinĩ wa nyũmba ya Jehova hakuhĩ na kĩgongona gĩa gũcinĩra ũbumba.