40 Gĩcunjĩ kĩmwe harĩ ikũmi gĩa gĩthimi kĩa eba* kĩa mũtu mũhinyu ũtukanĩtio na gĩcunjĩ kĩmwe harĩ inya kĩa hini* kĩa maguta ma kũhihwo, na gĩcunjĩ kĩmwe harĩ inya kĩa hini kĩa igongona rĩa ndibei, irĩrutagwo hamwe na gatũrũme kau ka mbere. 41 Nako gatũrũme kau ga kerĩ ũrĩkarutaga hwaĩ-inĩ gũkĩgĩa mairia,* hamwe na magongona ma mũtu na ma ndibei ta marĩa marĩrutagwo rũcinĩ. Ũrĩcirutaga irĩ mũtararĩko mwega,* irĩ igongona rĩa gũcinwo na mwaki rĩa kũrutĩrũo Jehova.