35 Ningĩ mwaka o mwaka nĩ tũrĩrehaga nyũmba-inĩ ya Jehova maciaro ma mbere ma mĩgũnda itũ na matunda ma mbere ma mũtĩ o wothe wa matunda,+ 36 o hamwe na ariũ aitũ a irigithathi na marigithathi ma mahiũ maitũ+—kũringana na ũrĩa kwandĩkĩtwo Watho-inĩ—na marigithathi ma ngʼombe citũ na ma ngʼondu citũ. Nĩ tũrĩcirehaga nyũmba-inĩ ya Ngai witũ, kũrĩ athĩnjĩri-Ngai arĩa matungataga nyũmba-inĩ ya Ngai witũ.+ 37 Ningĩ mũtu witũ wa mbere ũrĩa ũtarĩ mũkonyore,+ mĩhothi itũ, maciaro ma mũtĩ wa mũthemba o wothe,+ ndibei njerũ,* na maguta,+ nĩ twagĩrĩirũo gũcitwara kũrĩ mũthĩnjĩri-Ngai rumu-inĩ cia kũiga indo* nyũmba-inĩ ya Ngai witũ,+ o hamwe na gĩcunjĩ gĩa ikũmi kuuma mĩgũnda-inĩ itũ gĩa gũtwarĩra Alawii,+ tondũ Alawii nĩo macokanagĩrĩria icunjĩ cia ikũmi matũũra-inĩ maitũ mothe marĩa makoragwo na ũrĩmi.