• Thaburi 139:11, 12
    New World Translation in Kikuyu

    • 11 Ingiuga atĩrĩ: “Hatarĩ nganja nĩ ngũhithwo nĩ nduma!”

      Hĩndĩ ĩyo ũtukũ ũrĩa ũndigicĩirie ũngĩtuĩka ũtheri.

      12 O na nduma ndĩngĩkorũo ĩrĩ ndumanu mũno harĩ wee,

      No ũtukũ ũngĩkorũo na ũtheri o ta mũthenya;+

      Nduma no ũndũ ũmwe na ũtheri harĩ wee.+

  • Isaia 29:15
    New World Translation in Kikuyu

    • 15 Kaĩ andũ arĩa mekagĩra kĩyo kĩnene nĩguo mahithe Jehova mĩbango yao* marĩ na haaro-ĩ!+

      Mekagĩra maũndũ mao handũ harĩ na nduma,

      O makiugaga atĩrĩ: “Nũũ ũratuona?

      Nũũ ũĩ ũhoro witũ?”+

  • Jeremia 23:24
    New World Translation in Kikuyu

    • 24 “Hihi mũndũ no ehithe handũ hehithĩte harĩa itangĩhota kũmuona?”+ ũguo nĩguo Jehova ekũũria.

      “Na githĩ ndiyũrĩte kũndũ guothe igũrũ na thĩ?”+ ũguo nĩguo Jehova ekũũria.

  • Amosi 9:3
    New World Translation in Kikuyu

    •  3 Na mangĩkehitha igũrũ rĩa Karimeli,

      Nĩ ngaamacaria kuo na ndĩmanyite.+

      Mangĩkehitha kuuma maitho-inĩ makwa mathiĩ rungu rwa iria,

      Nĩ ngaatha nyoka kũu ĩmarũme.