10 Nĩ ũndũ ũcio akiuga ũũ: “Ngoretwo na kĩyo biũ nĩ ũndũ wa Jehova Ngai mũnene wa ita;+ nĩ gũkorũo andũ a Isiraeli nĩ matiganĩirie kĩrĩkanĩro gĩaku,+ makamomora igongona ciaku, na makoraga anabii aku na rũhiũ rwa njora,+ na no niĩ tu ndigarĩte. Rĩu maracaria ũrĩa mekũnduta muoyo.”*+

12 Jesu agĩtonya thĩinĩ wa hekarũ na akĩrutũrũra arĩa othe meendagia na makagũra indo thĩinĩ wa hekarũ, na akĩngʼaũrania metha cia arĩa maakũũranagia mbeca, na itĩ cia arĩa meendagia ndutura.+ 13 Na akĩmeera: “Nĩ kwandĩke atĩrĩ, ‘Nyũmba yakwa ĩgeetagwo nyũmba ya mahoya,’+ no inyuĩ mũramĩtua ngurunga ya atunyani.”+

15 Magĩkinya Jerusalemu. Agĩtonya thĩinĩ wa hekarũ na akĩambĩrĩria kũrutũrũra andũ arĩa meendagia na makagũra indo thĩinĩ wa hekarũ, na akĩngʼaũrania metha cia arĩa maakũũranagia mbeca, na itĩ cia arĩa meendagia ndutura,+ 16 na ndeetĩkagĩria mũndũ o na ũrĩkũ ahĩtũkĩrie kĩndũ hekarũ-inĩ. 17 Na aarutanaga akameera: “Githĩ ti kwandĩke ũũ: ‘Nyũmba yakwa ĩgeetagwo nyũmba ya mahoya harĩ ndũrĩrĩ ciothe’?+ No inyuĩ mũmĩtuĩte ngurunga ya atunyani.”+

13 Na rĩrĩ, Pasaka+ ya Ayahudi nĩ yakuhĩrĩirie, nake Jesu akĩambata agĩthiĩ Jerusalemu. 14 Na thĩinĩ wa hekarũ agĩkora arĩa meendagia ngʼombe na ngʼondu na ndutura,+ na arĩa maakũũranagia mbeca maikarĩire itĩ ciao. 15 Nĩ ũndũ ũcio agĩthondeka mũcarica wa mĩkanda, akĩrutũrũra arĩa othe maarĩ na ngʼondu na ngʼombe akĩmoimia nja ya hekarũ, na akĩhurunja thendi cia arĩa maakũũranagia mbeca na akĩngʼaũrania metha ciao.+ 16 Agĩcoka akĩra arĩa meendagia ndutura atĩrĩ: “Eheriai indo ici gũkũ! Tigai gũtua nyũmba ya Awa nyũmba ya biacara!”*+ 17 Arutwo ake makĩririkana atĩ nĩ kwandĩke ũũ: “Kĩyo kĩa nyũmba yaku nĩ gĩkaandĩa.”+