10 Na rĩrĩ, mũtumia mũthamaki wa Sheba akĩigua ũhoro wĩgiĩ Suleimani ũkonainie na rĩĩtwa rĩa Jehova,+ nĩ ũndũ ũcio agĩthiĩ kũmũgeria na ciũria nditũ.*+ 2 Aakinyire Jerusalemu arũmĩrĩirũo nĩ ndungata nyingĩ mũno,+ na ngamĩra ikuuĩte maguta ma balisamu+ na thahabu nyingĩ mũno na mahiga ma goro. Agĩthiĩ agĩtonya harĩ Suleimani na akĩaria nake ũhoro wĩgiĩ maũndũ marĩa mothe maarĩ ngoro-inĩ yake.