9 “Wĩmenyerere na wĩhũge mũno, nĩguo ndũkanariganĩrũo nĩ maũndũ marĩa wĩyoneire na maitho maku na nĩguo matikanehere ngoro-inĩ yaku matukũ mothe ma ũtũũro waku. Ningĩ nĩ wagĩrĩirũo kũmamenyithia ariũ aku o hamwe na ariũ a ciana ciaku.+

6 Ciugo ici ndĩragwatha ũmũthĩ no mũhaka cikoragwo ngoro-inĩ yaku, 7 na no mũhaka ũcirutage* ciana ciaku+ na ũkaragia ũhoro wacio rĩrĩa ũikarĩte thĩ gwaku nyũmba na rĩrĩa ũrathiĩ na njĩra na rĩrĩa ũkomete na rĩrĩa ũũkĩrĩte.+

21 wagĩrĩirũo kwĩra mũrũguo atĩrĩ, ‘Twatuĩkire ngombo cia Firauni bũrũri-inĩ wa Misiri, no Jehova agĩtũruta kũu Misiri kũgerera guoko kũrĩ hinya.

18 “No mũhaka mũige ciugo ici ciakwa ngoro-inĩ cianyu na meciria-inĩ* manyu na mũcioherere guoko-inĩ kwanyu irĩ kĩririkania, na ciagĩrĩire gũkorũo itariĩ ta gataama thiithi-inĩ wanyu.*+ 19 Mũcirutage ciana cianyu, mwaragie ũhoro wacio rĩrĩa mũikarĩte thĩ nyũmba-inĩ cianyu na rĩrĩa mũrathiĩ na njĩra na rĩrĩa mũkomete na rĩrĩa mũũkĩrĩte.+

6 nĩguo matuĩke kĩmenyithia gatagatĩ-inĩ kanyu. Ciana cianyu* ingĩkamũũria atĩrĩ, ‘Mwaigire mahiga maya haha nĩkĩ?’+ 7 mwagĩrĩirũo gũgaciĩra ũũ: ‘Nĩ tondũ maĩ ma Jorodani nĩ maarũgamirio mbere ya ithandũkũ+ rĩa kĩrĩkanĩro kĩa Jehova. Rĩrĩa rĩaringire Jorodani, maĩ ma Jorodani makĩrũgamio. Mahiga maya megũtũũra marĩ kĩririkania harĩ andũ a Isiraeli.’”+