2 Mwagĩrĩirũo gũkaananga kũndũ guothe kũrĩa ndũrĩrĩ iria mũkeegwatĩra bũrũri wacio itungatagĩra ngai ciacio,+ o na angĩkorũo nĩ irĩma-inĩ ndaya kana tũrĩma-inĩ kana rungu rwa mũtĩ o wothe mũruru.

2 Na inyuĩ-rĩ, mũtikanathondeke kĩrĩkanĩro hamwe na aikari a bũrũri ũyũ+ na nĩ mwagĩrĩirũo gũtharia igongona ciao.’+ No mũtirathĩkĩra mũgambo wakwa.+ Nĩ kĩĩ kĩratũma mwĩke ũguo?

28 Ndamatwarire bũrũri ũrĩa ndehĩtĩte atĩ nĩ ngaamahe.+ Na rĩrĩa moonire tũrĩma tuothe tũrĩa tũraihu na mĩtĩ yothe ĩrĩa ĩrĩ mathangũ maingĩ,+ makĩambĩrĩria kũruta magongona mao na maruta mao marĩa maandakaririe. Makĩrutĩra mĩtararĩko mĩega* ya magongona mao kuo na magĩita magongona mao ma ndibei kuo.