20 O hĩndĩ ĩyo Musa na Haruni magĩka o ta ũguo Jehova aamathĩte. Haruni akĩoya rũthanju na igũrũ akĩgũtha maĩ ma Rũũĩ rwa Nailo Firauni na ndungata ciake makĩĩyonagĩra, namo maĩ macio magĩtuĩka thakame.+ 21 Nacio thamaki iria ciarĩ rũũĩ-inĩ rũu igĩkua,+ naruo rũũĩ rũkĩambĩrĩria kũnunga ũũru, nao Amisiri makĩremwo nĩ kũnyua maĩ ma Rũũĩ rwa Nailo,+ na gũkĩiyũra thakame bũrũri-inĩ wothe wa Misiri.