18 Na rĩrĩa agaaikarĩra gĩtĩ kĩa ũnene kĩa ũthamaki wake, agĩrĩirũo kwĩyandĩkĩra kobĩ ya Watho ũyũ ibuku-inĩ,* ũrutĩtwo kuuma harĩ ũrĩa ũigĩtwo nĩ athĩnjĩri-Ngai Alawii.+

19 “Agĩrĩirũo gũtũũra na ibuku rĩu, na arĩthomage matukũ-inĩ mothe ma ũtũũro wake,+ nĩgetha erute gwĩtigĩra Jehova Ngai wake na kũrũmĩrĩra maũndũ marĩa mothe marĩ thĩinĩ wa Watho ũyũ hamwe na mawatho maya na njĩra ya kũmahingagia.+ 20 Na nĩ ũndũ ũcio ngoro yake ndĩgetũũgĩria igũrũ rĩa ariũ a ithe, na ndakagarara maathani arore mwena wa ũrĩo kana mwena wa ũmotho, nĩgetha agaatũũra ihinda iraya ũthamaki-inĩ wake, we o hamwe na ariũ ake gatagatĩ-inĩ ka Isiraeli.

16 Rĩandĩko o rĩothe, rĩtongoretio nĩ roho wa Ngai+ na rĩrĩ ũguni harĩ kũrutana,+ gũkaanania, kũrũnga maũndũ, na kũherithia na njĩra ya ũthingu,+ 17 nĩgetha mũndũ wa Ngai akoragwo arĩ mwagĩrĩru kũna, ahaarĩirio biũ nĩ ũndũ wa wĩra wothe mwega.