18 Na rĩrĩa agaaikarĩra gĩtĩ kĩa ũnene kĩa ũthamaki wake, agĩrĩirũo kwĩyandĩkĩra kobĩ ya Watho ũyũ ibuku-inĩ,* ũrutĩtwo kuuma harĩ ũrĩa ũigĩtwo nĩ athĩnjĩri-Ngai Alawii.+

19 “Agĩrĩirũo gũtũũra na ibuku rĩu, na arĩthomage matukũ-inĩ mothe ma ũtũũro wake,+ nĩgetha erute gwĩtigĩra Jehova Ngai wake na kũrũmĩrĩra maũndũ marĩa mothe marĩ thĩinĩ wa Watho ũyũ hamwe na mawatho maya na njĩra ya kũmahingagia.+