8 “Kũngĩkoimĩra ciira mũritũ mũno ũtangĩhota gũtuithania itũũra-inĩ o rĩothe rĩanyu, hihi ciira wĩgiĩ ũiti wa thakame+ kana gũtuithania mũndũ na ũrĩa ũngĩ kana gĩĩko gĩkĩtwo kĩa ũhinya kana ciira ũngĩ wĩgiĩ kwaga kũiguithania, wagĩrĩirũo gũũkĩra ũthiĩ handũ harĩa Jehova Ngai waku agaathuura.+ 9 Ũthiĩ kũrĩ athĩnjĩri-Ngai Alawii na atuanĩri ciira+ arĩa magaakorũo magĩtungata matukũ-inĩ macio, na ũmorie ũhoro ũcio, na nĩ marĩkwĩraga itua rĩao.+

8 Ningĩ thĩinĩ wa Jerusalemu Jehoshafatu nĩ aamũrire Alawii amwe na athĩnjĩri-Ngai na atongoria amwe a nyũmba cia maithe ma andũ a Isiraeli nĩguo matungatage marĩ atuanĩri ciira nĩ ũndũ wa Jehova na matuithanagie maciira ma aikari a Jerusalemu.+