17 Magongona marĩa makenagia Ngai nĩ roho mũthuthĩku;

Ngoro ĩthuthĩkĩte na ĩkahehenjeka, wee Ngai ndũngĩmĩrega.*+

15 Nĩ gũkorũo Ũrĩa ũrĩ Igũrũ na Mũtũũgĩru,

Ũrĩa ũtũũraga* tene na tene+ o we rĩĩtwa rĩake rĩrĩ itheru oigĩte ũũ:+

“Njikaraga handũ igũrũ na hatheru,+

Na ningĩ hamwe na arĩa mahehenjekete na matarĩ hinya,

Nĩgetha njarahũre roho wa arĩa matarĩ hinya

Na njarahũre ngoro cia arĩa mahehenjetwo.+

 2 “Guoko gwakwa mwene nĩkuo gwathondekire indo icio ciothe,

Na ũguo nĩguo gwathiire ciothe igĩkorũo kuo,” ũguo nĩguo Jehova ekuuga.+

“Mũndũ ũrĩa ngũcaria nĩ ũyũ,

Ũrĩa mwĩnyihia na ũrĩ na roho mũthuthĩku na ũinainaga* nĩ ũndũ wa kiugo gĩakwa.+