34 Nũũ ũngĩmatuĩra? Kristo Jesu nĩwe wakuire, na makĩria ma ũguo, nĩwe wariũkirio, o we ũrĩ guoko-inĩ kwa ũrĩo kwa Ngai+ na ningĩ nĩwe ũtũthaithanagĩrĩra.+

25 Kwoguo nĩ ahotaga nginya kũhonokia biũ arĩa makuhagĩrĩria Ngai kũgerera harĩ we, tondũ akoragwo muoyo hĩndĩ ciothe amathaithanĩrĩre.+

26 Kũngĩrĩ ũguo, angĩnyamarĩkaga kaingĩ kuuma o kĩambĩrĩria gĩa thĩ. No rĩu eyonanĩtie o riita rĩmwe rĩa kũigana hĩndĩ ya ithirĩro rĩa mĩtabarĩre ya maũndũ* nĩguo eherie mehia kũgerera kwĩruta igongona we mwene.+

2 Twana twakwa, ndĩramwandĩkĩra maũndũ maya nĩgetha mũtikehie. No rĩrĩ, mũndũ angĩhia, tũrĩ na mũteithia* ũrĩ hamwe na Ithe witũ, nĩwe Jesu Kristo,+ ũrĩa mũthingu.+ 2 Na we nĩ igongona rĩa ũiguano*+ nĩ ũndũ wa mehia maitũ,+ ĩndĩ to ũndũ wa mehia maitũ tu no nĩ nginya ma thĩ yothe.+