3 Musa agĩcoka akĩambata kũrĩ Ngai ũrĩa wa ma, nake Jehova akĩmwĩta arĩ kũu kĩrĩma-inĩ,+ akĩmwĩra atĩrĩ, “Ũũ nĩguo ũgũthiĩ kwĩra nyũmba ya Jakubu, Aisiraeli,

5 Rĩu-rĩ, mũngĩathĩkĩra mũgambo wakwa biũ na mũmenyagĩrĩre kĩrĩkanĩro gĩakwa, nĩ mũgũtuĩka kĩndũ gĩakwa kĩa mwanya* kuuma harĩ ikundi ciothe cia andũ,+ tondũ thĩ yothe nĩ yakwa.+

7 Agĩcoka akĩoya ibuku rĩa kĩrĩkanĩro na agĩthomera kĩrĩndĩ kĩu na mũgambo mũnene.+ Nao andũ acio makiuga ũũ: “Nĩ twĩhaarĩirie gwĩka ũrĩa wothe Jehova oigĩte, na nĩ tũrĩathĩkaga.”+

32 Gĩtigaakorũo gĩtariĩ ta kĩrĩkanĩro kĩrĩa ndarĩkanĩire na maithe mao ma tene mũthenya ũrĩa ndamanyitire guoko nĩguo ndĩmatongorie ndĩmarute bũrũri wa Misiri,+ ‘kĩrĩkanĩro gĩakwa kĩrĩa maagire kũhingia,+ o na gũtuĩka nĩ niĩ ndarĩ mwathi wao ũrĩa wagĩrĩire,’* ũguo nĩguo Jehova ekuuga.”

18 Na ũndũ ũyũ nĩguo ũgaakora andũ arĩa maagire kũhingia kĩrĩkanĩro gĩakwa, makĩaga gwĩka kũringana na ciugo cia kĩrĩkanĩro kĩrĩa maarĩkanĩire mbere yakwa rĩrĩa maatinanirie njaũ icunjĩ igĩrĩ na makĩgera gatagatĩ-inĩ gacio cierĩ,+ 19 na nĩo anene a Juda, anene a Jerusalemu, anene a kwa mũthamaki, athĩnjĩri-Ngai, na andũ othe a bũrũri arĩa maagerire gatagatĩ-inĩ ka icunjĩ icio igĩrĩ cia njaũ: 20 Nĩ ngaamaneana harĩ thũ ciao na harĩ arĩa macaragia ũrĩa mekũmaruta muoyo,* na ciimba ciao igaatuĩka irio cia nyoni cia rĩera-inĩ* na cia nyamũ cia gũkũ thĩ.+