• Isaia 6:11, 12
    New World Translation in Kikuyu

    • 11 Ndaigua ũguo ngĩũria: “Nĩ nginya rĩ, Jehova?” Nake akĩnjĩra ũũ:

      “Nĩ nginya rĩrĩa matũũra magaathũkangio kwage mũndũ ũgũikara kuo

      Na nyũmba ikorũo itarĩ andũ

      Na bũrũri ũkorũo ũthũkangĩtio na ũgatuĩka kũndũ gũtiganĩrie;+

      12 Nginya rĩrĩa Jehova akeeheria andũ amatware kũndũ kũraihu+

      Naguo bũrũri ũkorũo ũtiganĩirio biũ.

  • Jeremia 26:18
    New World Translation in Kikuyu

    • 18 “Mika+ wa kuuma Moreshethu nĩ aarathire ũhoro matukũ-inĩ ma Mũthamaki Hezekia+ wa Juda, na akĩra andũ othe a Juda atĩrĩ, ‘Jehova mũnene wa ita ekuuga ũũ:

      “Zayuni ĩkaarĩmwo o ta mũgũnda,

      Jerusalemu ĩgaatuĩka hĩba cia mwanangĩko,+

      Nakĩo kĩrĩma kĩa Nyũmba* gĩkaahaana ta kũndũ gũtũũgĩru thĩinĩ wa mũtitũ.”’*+

  • Macakaya 2:5
    New World Translation in Kikuyu

    •  5 Jehova nĩ atuĩkĩte o ta thũ;+

      Nĩ ameretie Isiraeli.

      Nĩ ameretie nyũmba ciake ciothe iria ndaya na igũrũ;

      Nĩ anangĩte kũndũ gwakuo guothe kũrĩa kũrĩ na ũgitĩri.

      Na harĩ mwarĩ wa Juda agatũma kĩrĩro na macakaya cingĩhe.

  • Ezekieli 36:4
    New World Translation in Kikuyu

    • 4 inyuĩ irĩma cia Isiraeli, iguai kiugo kĩa Jehova Mwathani Ũrĩa Mũnene! Ũũ nĩguo Jehova Mwathani Ũrĩa Mũnene arera irĩma na tũrĩma, tũrũũĩ na mĩkuru, kũndũ kwanangĩku kũrĩa gwatiganĩirio, na matũũra marĩa maatiganĩirio,+ o macio maatahirũo na makĩnyũrũrio nĩ andũ arĩa maatigarire a ndũrĩrĩ iria imathiũrũrũkĩirie;+