29 Thutha ũcio Joshua hamwe na andũ othe a Isiraeli makiuma Makeda magĩthiĩ itũũra rĩa Libina na magĩtharĩkĩra itũũra rĩu rĩa Libina.+ 30 O narĩo Jehova akĩrĩneana guoko-inĩ kwa Isiraeli hamwe na mũthamaki warĩo,+ na makĩrĩtharĩkĩra na rũhiũ rwa njora o hamwe na andũ arĩa othe maarĩ kuo, matekũreka o na ũmwe atigare kuo. Kwoguo magĩka mũthamaki wakuo o ta ũrĩa meekĩte mũthamaki wa Jeriko.+

22 No Edomu ĩtũire ĩremeire Juda nginya ũmũthĩ ũyũ. Libina+ o nayo nĩ yaremeire Juda hĩndĩ ĩyo.

8 Rĩrĩa Rabishake aaiguire atĩ mũthamaki wa Ashuri nĩ athiĩte akehera Lakishi,+ agĩcoka kũrĩ we na akĩmũkora akĩrũa na Libina.+ 9 Nake mũthamaki ũcio akĩigua gũkĩĩrũo ũũ ũhoro ũkoniĩ Mũthamaki Tirihaka wa Ethiopia: “Atĩrĩrĩ, nĩ okĩte kũrũa nawe.” Kwoguo agĩtũma atũmwo+ o rĩngĩ kũrĩ Hezekia, akiuga ũũ: 10 “Ũũ nĩguo mũkwĩra Mũthamaki Hezekia wa Juda, ‘Ndũkareke Ngai waku ũrĩa wĩhokete akũheenie agĩkwĩra ũũ: “Jerusalemu ndĩkũneanwo guoko-inĩ kwa mũthamaki wa Ashuri.”+ 11 Atĩrĩrĩ, wee nĩ ũiguĩte ũrĩa athamaki a Ashuri meekire mabũrũri mothe rĩrĩa maamanangire.+ Wee nowe wiki ũgũkĩhonokio? 12 Hihi ngai cia andũ a ndũrĩrĩ iria maithe maitũ ma tene maanangire nĩ ciamahonokirie? Gozani, Harani,+ na Rezefu ikĩrĩ kũ, o hamwe na andũ a Edeni arĩa maarĩ Teli-asaru? 13 Arĩ kũ mũthamaki wa Hamathu, mũthamaki wa Aripadi, na mũthamaki wa matũũra ma Sefarivaimu, na wa Hena na wa Iva?’”+