29 Matukũ-inĩ ma Mũthamaki Peka wa Isiraeli, Mũthamaki Tigilathu-pileseru+ wa Ashuri nĩ aatharĩkĩire na agĩtaha Ijoni, Abeli-bethi-maaka,+ Janoa, Kedeshi,+ Hazoru, Gileadi,+ na Galili, bũrũri wothe wa Nafitali,+ na akĩoya aikari a kuo akĩmatwara ithamĩrio Ashuri.+

8 Ahazu agĩcoka akĩoya betha na thahabu iria ciarĩ nyũmba-inĩ ya Jehova na igĩna-inĩ cia nyũmba ya mũthamaki na agĩtũmĩra mũthamaki wa Ashuri ihaki.+ 9 Nake mũthamaki wa Ashuri agĩtĩkĩra ihoya rĩake, akĩambata agĩthiĩ Dameski na akĩmĩtaha nao andũ a kuo akĩmatwara ithamĩrio Kiri,+ na akĩũraga Rezini.+

26 Nĩ ũndũ ũcio Ngai wa Isiraeli akĩarahũra roho wa Mũthamaki Puli wa Ashuri+ (na no we Mũthamaki Tiligathu-pilineseru+ wa Ashuri) agĩtwara Arubeni, Agadi, na nuthu ya mũhĩrĩga wa Manase ithamĩrio, akĩmatwara Hala, Haboru, Hara, na rũũĩ-inĩ rwa Gozani,+ na nokuo marĩ nginyagia ũmũthĩ.