• Isaia 1:23
    New World Translation in Kikuyu

    • 23 Anene aku nĩ maremete na makagĩa thiritũ na aici.+

      Othe nĩ mendete ihaki na mahanyũkanagia na iheo.+

      Matituagĩra ciana itarĩ maithe* na kĩhooto,

      Na ciira wa mũtumia wa ndigwa ndũkinyaga harĩ o.+

  • Jeremia 5:26-28
    New World Translation in Kikuyu

    • 26 Tondũ thĩinĩ wa andũ akwa kũrĩ na andũ aganu.

      Maikaraga macũthĩrĩirie, o ta ũrĩa ategi a nyoni makumagĩrĩra thĩ.

      Mambaga mũtego ũrĩa ũrehaga gĩkuũ.

      Na manyitaga andũ.

      27 O ta kĩaga kĩiyũrĩte nyoni,

      No taguo nyũmba ciao ciyũrĩte maheeni.+

      Nĩkĩo magĩĩte na hinya na magatonga.

      28 Manorete na makanyoroka;

      Maiyũrĩrĩirũo nĩ maũndũ moru.

      Matitetagĩra ciana iria itarĩ maithe+ ciira-inĩ wacio,

      Nĩguo o magaacĩre;

      Na nĩ maimaga andũ arĩa athĩni kĩhooto.’”+

  • Mika 2:1, 2
    New World Translation in Kikuyu

    • 2 “Kaĩ andũ arĩa mabangaga maũndũ moru marĩ na haaro-ĩ,

      Arĩa mathugundaga ũũru marĩ marĩrĩ-inĩ mao!

      Rĩrĩa ũtheri wa rũcinĩ woimĩra makawĩka,

      Tondũ ũhoti wa kũwĩka ũrĩ guoko-inĩ kwao.+

       2 Meriragĩria mĩgũnda na makamĩtunyana;+

      O na nyũmba, na magacioya;

      Nĩ matunyaga mũndũ nyũmba yake,+

      Magatunya mũndũ igai rĩake.