• 2 Samueli 7:16, 17
    New World Translation in Kikuyu

    • 16 Nyũmba yaku na ũthamaki waku igũtũũra irũmĩte tene na tene mbere yaku; gĩtĩ gĩaku kĩa ũnene gĩgũtũũra kĩĩhandĩte wega tene na tene.”’”+

      17 Nathani akĩra Daudi ciugo icio ciothe o hamwe na kĩoneki kĩu gĩothe.+

  • 2 Samueli 23:5
    New World Translation in Kikuyu

    •  5 Na githĩ ũguo tiguo nyũmba yakwa ĩtariĩ mbere ya Ngai?

      Nĩ gũkorũo nĩ athondekete kĩrĩkanĩro hamwe na niĩ gĩa gũtũũra tene na tene,+

      Gĩkabangwo maũndũ mothe na gĩkarũmio.

      Tondũ nĩ gĩa gũtũma ngĩe na ũhonokio mũkinyanĩru na gĩkeno gĩothe,

      Na githĩ tikĩo atũmaga kĩgaacĩre?+

  • Thaburi 89:34, 35
    New World Translation in Kikuyu

    • 34 Ndikagarara kĩrĩkanĩro gĩakwa+

      Kana ngarũrĩre ũndũ ũrĩa mĩromo yakwa yugĩte.+

      35 Nĩ ũndũ wa ũtheru wakwa-rĩ, nĩ ndĩĩhĩtĩte riita rĩmwe rĩa kũigana;

      Ndirĩ hĩndĩ ngera Daudi ũhoro wa maheeni.+

  • Thaburi 132:11
    New World Translation in Kikuyu

    • 11 Jehova nĩ erĩire Daudi na mwĩhĩtwa;

      Hatarĩ nganja ndangĩĩricũkwo kiugo gĩake kĩrĩa oigĩte atĩrĩ:

      “Mũndũ ũmwe wa rũciaro rwaku,*

      Nĩ ngaamũikarĩria gĩtĩ-inĩ gĩaku kĩa ũnene.+

  • Isaia 55:3
    New World Translation in Kikuyu

    •  3 Tegai matũ manyu na mũũke kũrĩ niĩ.+

      Thikĩrĩriai, na nĩ mũgũtũũra muoyo,

      Na ti itherũ nĩ ngaarĩkanĩra na inyuĩ kĩrĩkanĩro gĩa gũtũũra tene na tene+

      Kũringana na ciugo cia kwĩhokeka iria Daudi eerirũo na wendo mwĩhokeku.+