25 Mwaka-inĩ wa kenda wa wathani wa Zedekia, mweri-inĩ wa ikũmi, mũthenya wa ikũmi wa mweri ũcio, Mũthamaki Nebukadineza+ wa Babuloni nĩ aathiire na mbũtũ yake yothe gũũkĩrĩra Jerusalemu.+ Akĩamba hema nĩguo atharĩkĩre itũũra rĩu na agĩaka rũthingo rwa kũrĩrigicĩria,+ 2 na itũũra rĩu rĩgĩikara rĩrĩ irigicĩrie nginya mwaka wa 11 wa Mũthamaki Zedekia.

17 Nĩ ũndũ ũcio akĩmarehera mũthamaki wa Akalidei amokĩrĩre,+ nake akĩũragĩra anake ao na rũhiũ rwa njora+ nyũmba-inĩ ya handũ hao harĩa hatheru;+ ndaacaĩire mwanake kana mũirĩtu,* mũndũ mũkũrũ kana ũtarĩ na hinya.+ Ngai agĩkĩneana indo ciothe guoko-inĩ gwake.+