16 Johanani mũrũ wa Karea na anene othe a mbũtũ arĩa maarĩ hamwe nake makĩoya andũ acio othe maatigarĩte kuuma Mizipa, o acio maahonoketie kuuma harĩ Ishumaeli mũrũ wa Nethania thutha wake kũũraga Gedalia+ mũrũ wa Ahikamu. Makĩoya arũme acio, thigari, atumia, ciana, na anene a kwa mũthamaki makĩmacokia kuuma Gibeoni.

42 Na rĩrĩ, anene othe a mbũtũ, na Johanani+ mũrũ wa Karea, Jezania mũrũ wa Hoshaia, hamwe na andũ othe, kuuma ũrĩa mũnini nginya ũrĩa mũnene, magĩthiĩ 2 na makĩra mũnabii Jeremia atĩrĩ: “Twagũthaitha ũigue ihoya ritũ rĩa kwenda gwĩtĩkĩrĩka, na ũtũhoere kũrĩ Jehova Ngai waku, nĩ ũndũ wa andũ aya othe matigarĩte, nĩ gũkorũo no andũ anini tu matigarĩte gatagatĩ-inĩ ka andũ aingĩ,+ o ta ũrĩa ũrona. 3 Jehova Ngai waku arotwĩra njĩra ĩrĩa twagĩrĩirũo kũgera na ũndũ ũrĩa twagĩrĩirũo gwĩka.”