6 “Mũndũ mũciaranĩirũo nake, mũrũ wa nyũkwa, kana mũrũguo kana mwarĩguo kana mũtumia waku ũrĩa wendete mũno kana mũrata waku ũrĩa wa hakuhĩ mũno angĩgeria gũkũheenereria na hitho, akwĩre atĩrĩ, ‘Nĩ tũthiĩ tũgatungatĩre ngai ingĩ,’+ ngai iria wee ũtoĩ o na kana maithe manyu ma tene magacimenya, 7 kuuma harĩ ngai cia ikundi cia andũ arĩa mamũthiũrũrũkĩirie mĩena yothe, arĩa marĩ hakuhĩ nawe kana arĩa marĩ kũraihu nawe, kuuma mũico ũmwe wa bũrũri o nginya mũico ũrĩa ũngĩ wa bũrũri, 8 ndwagĩrĩirũo gwĩtĩkania nake kana kũmũthikĩrĩria,+ o na ndwagĩrĩirũo kũmũiguĩra tha kana kũmũcaĩra o na kana kũmũgitĩra; 9 ithenya rĩa ũguo, wagĩrĩirũo kũmũũraga.+ Guoko gwaku nĩkuo kwagĩrĩirũo gũkorũo kũrĩ kwa mbere kũmũũkĩrĩra nĩguo ũmũũrage, gũcoke kũrũmĩrĩrũo nĩ moko ma andũ acio angĩ othe.+

4 Tondũ nĩ maandiganĩirie+ na magĩtũma kũndũ gũkũ kwage kũmenyeka.+ Thĩinĩ wakuo nĩ marutagĩra ngai ingĩ magongona, iria o ene na maithe mao ma tene na athamaki a Juda mataamenyete, na nĩ maiyũrĩtie kũndũ gũkũ thakame ya andũ matarĩ na mahĩtia.+