21 Nĩ gũkorũo mũthamaki wa Babuloni akaarũgama njĩra-inĩ ĩyo, harĩa njĩra icio cierĩ ciahũkanĩire nĩguo aragũrie. Akaainainia mĩguĩ. Agaatuĩria maũndũ kuuma kũrĩ mĩhianano* yake; athuthurie ini. 22 Ũragũri ũrĩa ũrĩ guoko-inĩ gwake kwa ũrĩo werekeirio Jerusalemu, nĩguo athondeke mĩgogo mĩtungu ya kũmomora itũũra rĩu, athane andũ moragwo, kũgĩe na mbugĩrĩrio ya mbaara, athondeke mĩgogo mĩtungu ya kũmomora ihingo, athondeke hĩba ya kũrigicĩria, na ake rũthingo rwa kũrigicĩria.+