• Jeremia 51:17
    New World Translation in Kikuyu

    • 17 Mũndũ wothe ekaga maũndũ atarĩ na wĩcirio na atarĩ na ũmenyo.

      Mũturi o wothe wa cuma nĩ agaaconorithio nĩ ũndũ wa mũhianano ũcio wa gwacũhio;+

      Nĩ gũkorũo mũhianano wake wa cuma* nĩ wa maheeni,

      Na mĩhianano ĩyo ndĩkoragwo na roho* thĩinĩ wayo.+

  • Habakuku 2:18, 19
    New World Translation in Kikuyu

    • 18 Mũhianano wa gwacũhio-rĩ, ũkoragwo na ũguni ũrĩkũ

      Mũthondeki waguo arĩkia kũwacũhia?

      Mũhianano wa cuma,* o guo mũrutani wa maheeni-rĩ, ũkoragwo na ũguni ũrĩkũ,

      O na angĩkorũo mũthondeki waguo nĩ awĩhokaga,

      Agathondeka ngai itarĩ kĩene iria itangĩhota kwaria?+

      19 Mũndũ ũrĩa wĩraga gĩcunjĩ kĩa mũtĩ “Arahũka!”

      Kana akera ihiga rĩtangĩhota kwaria, “Ũkĩra! Tũrute!” kaĩ arĩ na haaro-ĩ!

      Atĩrĩrĩ, mũhianano ũcio ũhumbĩrĩtwo na thahabu na betha,+

      Na ndũkoragwo na mĩhũmũ o na hanini thĩinĩ waguo.+