7 “‘“Nĩ ũndũ ũcio, iguai kiugo kĩa Jehova inyuĩ arĩithi: 8 ‘“O ta ũrĩa niĩ ndũũraga muoyo,” ũguo nĩguo Jehova Mwathani Ũrĩa Mũnene ekuuga, “tondũ ngʼondu ciakwa nĩ ituĩkĩte kĩndũ gĩa kũhĩtwo nĩ nyamũ, igatuĩka irio cia nyamũ o yothe ya gĩthaka tondũ gũtiarĩ na mũrĩithi, nao arĩithi akwa matiacaririe ngʼondu ciakwa; handũ ha ũguo nĩ kwĩrĩithia meerĩithagia na matiarĩithirie ngʼondu ciakwa,”’