17 “Na no mũhaka Edomu gũgaatuĩka kĩndũ gĩa kũguoyohia.+ Mũndũ wothe ũkaahĩtũkĩra kuo akeerorera amakĩte na ahuuhe mĩrũri nĩ ũndũ wa mahũũra makuo mothe. 18 O ta ũrĩa Sodomu na Gomora na taũni iria ciathiũrũrũkĩirie ciangʼaũranirio,”+ Jehova ekuuga atĩrĩ, “gũtirĩ mũndũ ũgaatũũra kuo, na gũtirĩ mũndũ ũgaaikara kuo.+

13 nĩ ũndũ ũcio, Jehova Mwathani Ũrĩa Mũnene oigĩte ũũ: “Ningĩ nĩ ngaatambũrũkia guoko gwakwa njũkĩrĩre Edomu na niine andũ a kuo o hamwe na mahiũ, na nĩ ngaatũma gũtuĩke kũndũ gũtiganĩrie.+ Kuuma Temani o nginya Dedani, nĩ makooragwo na rũhiũ rwa njora.+

4 “O na gũtuĩka andũ a Edomu moigaga, ‘Nĩ tũhehenjetwo, no nĩ tũgaacoka na twake rĩngĩ kũndũ kũu kwanangĩku,’ Jehova mũnene wa ita ekuuga atĩrĩ, ‘Nĩ magaaka, no nĩ ngaamomora, na mageetagwo “gĩcigo kĩrĩa kĩa waganu” na “andũ arĩa Jehova atuĩrĩire atĩ nĩ ehia tene na tene.”+