28 Nake Jesu akĩmeera ũũ: “Ngũmwĩra atĩrĩ na ma, hĩndĩ ĩrĩa maũndũ makerũhio, rĩrĩa Mũrũ wa mũndũ agaaikarĩra gĩtĩ gĩake kĩa ũnene kĩrĩ na riri, inyuĩ mũnũmĩrĩire nĩ mũgaaikarĩra itĩ 12 cia ũnene, mũtuagĩre mĩhĩrĩga ĩrĩa 12 ya Isiraeli ciira.+

29 na nĩ ndarĩkanĩra kĩrĩkanĩro na inyuĩ, o ta ũrĩa Awa aarĩkanĩire kĩrĩkanĩro na niĩ, kĩa ũthamaki,+

6 na agĩtũtua ũthamaki,+ na athĩnjĩri-Ngai+ tũtungatagĩre Ngai wake, o we Ithe⁠—arogĩa na riri o na ũhoti tene na tene. Ameni.

21 Mũndũ ũrĩa ũgũtooria+ nĩ ngaamwĩtĩkĩria aikare thĩ hamwe na niĩ gĩtĩ-inĩ gĩakwa kĩa ũnene,+ o ta ũrĩa na niĩ ndatooririe na ngĩikara thĩ+ hamwe na Awa gĩtĩ-inĩ gĩake kĩa ũnene.

9 Na nĩ kũina maainaga rwĩmbo rwerũ,+ makoiga atĩrĩ: “Nĩ wagĩrĩire kuoya gĩkũnjo kĩu na ũhingũre mĩhũũri yakĩo, nĩ gũkorũo wee nĩ wathĩnjirũo na kũgerera thakame yaku ũkĩgũrĩra Ngai andũ+ kuuma mĩhĩrĩga-inĩ yothe na thiomi na ikundi cia andũ na ndũrĩrĩ,+ 10 na ũkĩmatua ũthamaki+ na athĩnjĩri-Ngai matungatagĩre Ngai witũ,+ na nĩo a gwathana marĩ athamaki+ igũrũ rĩa thĩ.”

4 Ningĩ ngĩona itĩ cia ũnene, na arĩa maacikarĩire makĩheo wathani wa gũtuanĩra ciira. Ngĩona mĩoyo* ya arĩa manoragwo* nĩ ũndũ wa ũira ũrĩa maarutire wĩgiĩ Jesu na nĩ ũndũ wa kwaria ũhoro wa Ngai, na arĩa mataathathaĩtie nyamũ ĩyo ya gĩthaka kana mũhianano wayo na mataamũkĩrĩte rũũri rwayo mathiithi-inĩ na guoko-inĩ kwao.+ Magĩcoka muoyo na magĩathana marĩ athamaki hamwe na Kristo+ ihinda rĩa mĩaka 1,000.