24 Nake Jesu akĩmeera atĩrĩ: “Na githĩ tikĩo mũhĩtĩtie, tondũ mũtiũĩ Maandĩko o na kana hinya wa Ngai?+ 25 Nĩ gũkorũo rĩrĩa andũ makaariũkio kuuma kũrĩ akuũ, matikahikanagia kana kũhika, no magaakorũo matariĩ ta araika arĩa marĩ igũrũ.+ 26 No ha ũhoro wa kũriũkio kwa arĩa akuũ-rĩ, kaĩ mũtathomete thĩinĩ wa ibuku rĩa Musa ũhoro-inĩ wĩgiĩ kĩhinga kĩrĩa kĩa mĩigua, atĩ Ngai aamwĩrire ũũ: ‘Niĩ nĩ niĩ Ngai wa Iburahimu, na Ngai wa Isaaka, na Ngai wa Jakubu’?+ 27 We ti Ngai wa arĩa makuĩte, no nĩ wa arĩa marĩ muoyo. Nĩ mũhĩtĩtie mũno.”+