43 Na hĩndĩ o ĩyo aaragia, Judasi, ũmwe wa arĩa Ikũmi na Erĩ, agĩkinya arĩ hamwe na kĩrĩndĩ kĩnene kĩrĩ na hiũ cia njora na njũgũma gĩtũmĩtwo nĩ anene a athĩnjĩri-Ngai na andĩki-watho na athuri.+ 44 Na rĩrĩ, Judasi ũcio mũmũkunyanĩri nĩ aamaheete kĩmenyithia maaiguanĩire, akameera ũũ: “Ũrĩa ngũmumunya, ũcio nĩwe; mũnyitei mũmũtware arĩ mũrangĩre.” 45 Na agĩthiĩ nginya harĩ we, akiuga, “Rabii!” na akĩmũmumunya na wororo. 46 Nao makĩmũnyita. 47 No ũmwe wa arĩa maarũgamĩte hau agĩcomora rũhiũ rwake rwa njora na agĩtinia gũtũ kwa ndungata ya mũthĩnjĩri-Ngai ũrĩa mũnene, gũkĩgwa.+

47 Na hĩndĩ o ĩyo aaragia, kĩrĩndĩ gĩgĩũka gĩtongoretio nĩ mũndũ ũrĩa wetagwo Judasi, ũmwe wa arĩa Ikũmi na Erĩ, na agĩkuhĩrĩria Jesu nĩguo amũmumunye.+ 48 No Jesu akĩmũũria atĩrĩ: “Judasi, ũrakunyanĩra Mũrũ wa mũndũ na njĩra ya kũmũmumunya?” 49 Rĩrĩa arĩa maarĩ hakuhĩ nake moonire ũrĩa gwathiaga, makĩmũũria: “Mwathani, tũmatharĩkĩre na rũhiũ rwa njora?” 50 O na ũmwe wao agĩtinia gũtũ kwa ũrĩo kwa ndungata ya mũthĩnjĩri-Ngai ũrĩa mũnene, gũkĩgwa.+ 51 No Jesu akiuga atĩrĩ: “Rĩu nĩ ũguo.” Na akĩhutia gũtũ kũu akĩmũhonia.

3 Kwoguo Judasi akĩrehe gĩkundi gĩa thigari o hamwe na thigari cia anene a athĩnjĩri-Ngai na cia Afarisai, magĩũka ho marĩ na icinga na matawa o na matharaita.+