30 Na o hĩndĩ ĩyo Jesu akĩigua harĩ hinya+ woima thĩinĩ wake, na akĩhũgũkĩra kĩrĩndĩ akĩũria: “Nũũ wahutia nguo ciakwa cia igũrũ?”+ 31 No arutwo ake makĩmũũria atĩrĩ: “Ũrona kĩrĩndĩ gĩkĩhatĩkanĩra harĩ wee, na ũkoria, ‘Nũũ wahutia?’” 32 O na kũrĩ ũguo, nĩ aaroraga mĩena yothe nĩguo one nũũ wekĩte ũguo. 33 Tondũ mũtumia ũcio nĩ aamenyaga ũrĩa gwathiĩte, agĩthiĩ amakĩte na akĩinainaga akĩĩgũithia mbere yake na akĩmwĩra ũhoro wothe. 34 Nake akĩmwĩra atĩrĩ: “Mwarĩ ũyũ, wĩtĩkio waku nĩ watũma ũhone. Thiĩ na thayũ,+ na ndũkanathĩnio nĩ mũrimũ ũcio mũũru rĩngĩ.”+