14 Rĩrĩa aakinyire rũteere-inĩ rwa iria, akĩona kĩrĩndĩ kĩnene, agĩkĩiguĩra tha,+ na akĩhonia arĩa maarĩ arwaru.+ 15 No rĩrĩa gwakinyire hwaĩ-inĩ, arutwo ake magĩthiĩ harĩ we makĩmwĩra ũũ: “Kũndũ gũkũ nĩ werũ-inĩ na mathaa nĩ mathiĩte mũno; ĩra kĩrĩndĩ gĩkĩ kiumagare, nĩguo mathiĩ icagi-inĩ makegũrĩre irio.”+ 16 No Jesu akĩmeera atĩrĩ: “Matirabatara gũthiĩ, inyuĩ mahei kĩndũ gĩa kũrĩa.” 17 Nao makĩmũcokeria: “Tũtirĩ na kĩndũ haha tiga o mĩgate ĩtano na thamaki igĩrĩ.”

35 Na gwakinya hwaĩ-inĩ, arutwo ake magĩthiĩ harĩ we makĩmwĩra ũũ: “Kũndũ gũkũ nĩ werũ-inĩ na mathaa nĩ mathiĩte mũno.+ 36 Ĩra andũ aya moimagare nĩguo mathiĩ mĩgũnda-inĩ na icagi-inĩ iria ithiũrũrũkĩirie makegũrĩre irio.”+ 37 Nake akĩmacokeria akĩmeera atĩrĩ: “Inyuĩ mahei kĩndũ gĩa kũrĩa.” Maigua ũguo makĩmũũria ũũ: “Tũthiĩ tũgũre mĩgate ya dinari* 200 tũhe andũ aya marĩe?”+ 38 Nake akĩmoria atĩrĩ: “Mũrĩ na mĩgate ĩigana? Thiĩi mũrore!” Nao marora makĩmwĩra: “Tũrĩ na mĩgate ĩtano na thamaki igĩrĩ.”+

12 Na rĩrĩ, nĩ gwakuhĩrĩirie gũtuka. Arĩa Ikũmi na Erĩ magĩthiĩ harĩ we makĩmwĩra: “Ĩra kĩrĩndĩ gĩkĩ kiumagare, nĩguo gĩthiĩ icagi-inĩ iria ithiũrũrũkĩirie na mĩgũnda-inĩ gĩĩcarĩrie gwa gũkoma na gĩa kũrĩa, tondũ gũkũ nĩ werũ-inĩ.”+ 13 No we akĩmeera: “Inyuĩ mahei kĩndũ gĩa kũrĩa.”+ Makĩmwĩra: “Tũtirĩ na kĩndũ kĩngĩ tiga mĩgate ĩtano na thamaki igĩrĩ, no tũgĩthiire ithuĩ ene tũkagũrĩre andũ aya othe irio.”