59 Jusufu akĩoya mwĩrĩ ũcio, akĩũthaya na gĩtambaya gĩtheru gĩa gatani ĩrĩa njega,+ 60 na akĩũkomia thĩinĩ wa mbĩrĩra*+ yake njerũ ĩrĩa eenjete rwaro-inĩ rwa ihiga. Na thutha wa kũgaragaria ihiga inene mũromo-inĩ wa mbĩrĩra* ĩyo, akiumagara.

40 Nao makĩoya mwĩrĩ ũcio wa Jesu makĩũthaya na itambaya cia gatani irĩ na mahuti marĩa manungaga wega+ kũringana na ũndũire wa Ayahudi wa gũthikana. 41 Na atĩrĩ, harĩa ooragĩirũo* haarĩ na mũgũnda, na mũgũnda-inĩ ũcio nĩ kwarĩ na mbĩrĩra*+ njerũ ĩrĩa ĩtaakometio mũndũ o na ũmwe mbere ĩyo. 42 Tondũ kwarĩ mũthenya wa Ayahudi wa Kũhaarĩria+ na mbĩrĩra ĩyo yarĩ hakuhĩ, magĩkomia Jesu ho.