5 Mwaki-inĩ ũcio nĩ haarĩ na indo ciahaanaga ta ciũmbe inya irĩ muoyo,+ na o kĩũmbe kĩarĩ na mũhianĩre ta wa mũndũ. 6 O kĩmwe gĩacio kĩarĩ na mothiũ mana na mathagu mana.+ 7 Magũrũ ma cio maarĩ marũngarũ, na makinya ma magũrũ ma cio maatariĩ ta ma gacaũ, na maahenagia o ta gĩcango gĩkumuthĩtwo.+ 8 Ciarĩ na moko ta ma mũndũ rungu rwa mathagu ma cio mĩena yothe ĩna, na ciothe inya ciarĩ na mothiũ na mathagu. 9 Mathagu ma cio nĩ maahutanĩtie. Ningĩ itiagarũrũkaga igĩthiĩ; ciothe ciathiaga irũngĩrĩirie na mbere.+

10 Mũhianĩre wa mothiũ ma cio watariĩ ũũ: O kĩũmbe harĩ icio inya kĩarĩ na ũthiũ wa mũndũ, na mwena wa ũrĩo kĩarĩ na ũthiũ wa mũrũthi,+ mwena wa ũmotho ũthiũ wa ndegwa,+ na o kĩmwe harĩ icio inya kĩarĩ na ũthiũ+ wa nderi.+